Tədbirər:

Yarandığı gündən “Belçika Azərbaycan Evi” Azərbaycanın dünyada və Avropada tanınması istiqamətində analoqu olmayan işlər görmüş, tədbirlər həyata keçirmişdir.
Cəmiyyətin sədri Bülent Gürçam hələ 1986-cı ildə Brüsseldə “Qürbət”, 1992-ci ildə isə “Vətən”, 2004-cü ilin əvvəlində Brüsseldə Dünya Gömrük Komitəsinin həyətində Dədə Qorqud abidəsinin qoyulması ərəfəsində “Dədə Qorqud” adlı üç dildə (azerbaycan, fransız və ingilis) dərgi nəşr etdirmişdir.
Belçika-Azərbaycan Evi” 2003-cü ilin fevral ayında Xocalı soyqırımının ildönümü münasibətilə “Palase de la Monnai” meydanında çadır quraraq Xocalı soyqırımına aid fotosərgi nümayiş etdirmişdir.
“Belçika Azərbaycan Evi”nin Azərbaycanın Avropada tanınmasında həyata keçirdiyi ən böyük layihələrdən biri də 2004-cü ildə Dünya Gömrük Komitəsinin həyətində Dədə Qorqud heykəlinin qoyulmasıdır. Tədbirə Avropanın və Azərbaycanın tanınmış simaları ilə yanaşı Azərbaycan Respublikasının prezidenti cənab İlham Əliyev də qatılmışdır.
Cəmiyyət Brüsseldə üzərində ümummilli liderimiz Heydər Əliyevin və Azərbaycan Respublikasının Prezidenti İlham Əliyevin rəsmləri olan markalar buraxıb.
Cəmiyyət 2005-ci ildə Qurban bayramı münasibətilə Beçikada yaşayan soydaşlarımızla bərabər Lənkəran şəhərində maskunlaşan məcburi köçkün və qaçqınlara görüşmüş, onlara qurban payları paylamışdır.
2006-cı ilin fevral ayında Xocalı Soyqırımınin 14-cü ildönümü ərəfəsində Belçika Azərbaycan Evi Dünya Azərbaycanlılari Konqressi (DAK) ilə bərabər Brüsseldə Avropa Parlamentinin önündə və Hollandıya İnsan Haqları Məhkəməsinin önündə nümayişlər təşkil etmişlər.
Cəmiyyət Azərbaycanın Avropada tanınması ilə yanaşı xalqımızın Avropa adət-ənənələri ilə də tanış olması istiqamətində də layihələr həyata keçirir. 2006-cı ilin may ayının 30-da Azərbaycanda ilk dəfə Avropa Qonşular bayramını məhz “Belçika Azərbaycan Evi” qeyd etmişdir.
2006-cı ildə Azərbaycanda yaşayan həmvətənlərimizi, həmçinin xaricdə yaşayan soydaşlarımızı da sarsıdan Ramil Səfərovun məhkəməsində iştirak edən Bülənt Gürçam “Belçika-Azərbaycan Evi”nin bir diaspor təşkilatı olaraq nə qədər fəal olduğunu bir daha sübut etmişdir.
30 avqustda Zəfər bayramı münaisbətilə Ağrı dağının 5137 metrlik zirvəsinə qalxan İğdır Akud dərnəyinin üzvləri Türkiyənin ulu öndəri Atatürkün və «Belçika Azərbaycan Evi»nin təsisçiliyi ilə Azərbaycanda yayımlanan EuXəbər qəzetinin hazırladığı üzərində Azərbaycanın ümumilli lideri Heydər Əliyevin şəkli və «EuXəbər»in adı yazılan bayrağı zirvəyə qədər apararaq Ağrı dağının zirvəsinə sancıblar.
28 sentyabr 2006-cı il tarixində «Belçika Azərbaycan Evi»nin yeni bir layihəsi ilə Cəmiyyətin Mərkəz Brüssel Ofisində «London Azərbaycan» Cəmiyyətinin sədri Tale Heydərov və «Belçika Azərbaycan Evi»nin sədri Bülent Gürçam arasında əməkdaşlıq və tərəfdaşlıq müqaviləsi imzalanmışdır.
Tərəflər arasında imzalanan 23 maddədən ibarət olan müqavilədə ölkə prezidentinin diqqətlə üzərində durduğu informasiya mübadiləsi ciddi şəkildə öz əksini tapıb. Məsələn, müqavilənin 4-cü maddəsində belə deyilir: «tərəflər informasiya mübadiləsi aparmaq, bir-birilərini lazımi və zəruri informasiya ilə təmin etmək üçün ümumi İnformasiya Bankı yaratmağı öhdələrinə götürürlər».
«Belçika Azərbaycan Evi» və «London Azərbaycan» Cəmiyyəti arasında imzalan müqaviləyə əsasən xarici ölkələrdəki Azərbaycan diasporunun formalaşması, inkişafı və güclənməsi istiqamətində bundan sonra daha səmərəli və məqsədyönlü fəaliyyət göstərmək üçün səylərini birləşdirməyi öhdələrinə götürüblər. Həmçinin cəmiyyət rəhbərlərinin qarşılıqlı razılığına əsasən bu təşkilatların hər birinin rəsmi ofisi həm də onların ümumi ofisi statusuna malik olacaq və onlardan hər biri istədiyi zaman digərinin ofisindən öz ofisi kimi istifadə etmək imkanına nail olacaq.
«Belçika Azərbaycan Evi»nin təşkil etdiyi «Əməkdaşlıq və Tərəfdaşlıq» müqaviləsi 27 Avropa ölkəsində fəaliyyət göstərən Azərbaycan təşkilatlarının birliyini yaratmaq məqsədi daşıyır.
Onu da qeyd edək ki, müqaviləyə hər Avropa ölkəsindən yalnız bir Azərbaycan diaspor təşkilatı qatıla bilər.
Brüsselin Avropa Birliyinin paytaxtı olmasını nəzərə alaraq Avropadakı Azərbaycan diaspor təşkilatlarının da koordinasiya mərkəzinin məhz Brüsseldə yerləşməsi zəruridir.
Xatırladaq ki, artıq digər Avropa ölkələrində fəaliyyət göstərən Azərbaycan diaspor təşkilatları da artıq «Belçika Azərbaycan Evi» ilə «Əməkdaşlıq və Tərəfdaşlıq» müqaviləsi imzalamaq üçün müraciətlər edirlər. «London Azərbaycan» Cəmiyyətindən sonra Litva Azərbaycanlıları Cəmiyyəti ilə «Əməkdaşlıq və Tərəfdaşlıq» müqaviləsi imzalanacaq.
Və nəhayət keçdiyimiz günlərdə-2006-cı ilin oktyabr ayında Belçika Azərbaycan Evinin təşəbbüsü və maliyyə dəstəyi ilə fransız dilində “Azərbaycan Milli Mətbəxi” adlı kitab nəşr olunmuşdur. Kitabda xalqımızın milli yeməkləri, milli mətbəximiz, yüzilliklər boyu süfrələrimizi bəzəmiş ləziz nemətlərlə yanaşı, Azərbaycanın qədim şəhərlərini, adət-ənənələrini, arxeoloji qazıntılar zamanı aşkar edilmiş qədim tapıntılarını əks etdirən fotoşəkillər də yer alıb.
Milli mətbəximizin 55 reseptinin yer aldığı kitabda Şəki, Gəncə, Lənkəran, İğdır, Naxçıvan, Ağrıdağı barədə məlumatlar da maraq doğurur.
Kütləvi tirajla nəşr olunmuş “Azərbaycan Milli Mətbəxi” kitabının nəşrində əsas məqsəd son illər ərzində Azərbaycan xalqının milli-mədəni, maddi və mənəvi sərvətlərinə təcavüz edən, xalqımıza məxsus bir sıra milli yeməklərimizi, o cümlədən plovu, dolmanı, basdırmanı, kababı, dovğanı öz adlarına çıxan bədnam ermənilərin Avropa ölkələrində guya “erməni milli mətbəxi” adı altında təşkil etdikləri yalançı və qondarma tədbirlərdə tutarlı bir cavab məqsədi güdür.
Kitab gələcəkdə ingilis, holland və alman dillərində də tərcümə olunacaq.
2007-ci ildə “Belçika- Azərbaycan Evi” Belçikada Azərbaycan Günləri layihəsini həyata keçirəcək.