Azərbaycanlı tələbələr Ermənistanı protesto etdilər
[26 March, 2010]
Azərbaycan Gənclər Birliyinin Brüsseldə düzənlədiyi etiraz mitinqində Ermənistanın işğalçı siyasəti qınanıb. Üç günlük çalışma toplantısı üçün Brüsselə gələn Azərbaycan Gənclər Birliyi təmsilçiləri son gün Avropa Birliyi qurum və quruluşlarının önündə Ermənistanı ptotesto ediblər.
Birliyin rəhbəri Ceyhun Osmanlının sözlərinə görə hər il Avropa ölkələrində toplanaraq gündəmlərində olan Azərbaycanın milli problemləri üçün nələr edə biləcəklərini müzakirə edir, sonra da tətbiq edirlər. Bu il başda Avropa ölkələri olmaq üzrə, Azərbaycandan gələn təmsilçilər ilə Brüsseldə üç günlük bir çalışma iclası düzənləyiblər.
Başda Azərbaycan bayrağı olmaq üzrə, AB və Belçika bayraqları ilə AB qurum və quruluşlarının yerləşdiyi "Place de Schuman"a gələn Birlik təmsilçiləri "Xocalı Soyqırımını Unutma!", "Qatillər Tapılsın!", "Ədalət İstəyirik!", "İşğalçı Ermənistan Azərbaycan torpaqlarından rədd ol!" kimi şüarlarla çıxış etdilər.