Isveç də qondarma "Soyqırımı" qəbul etdi
[12 March, 2010]
Bütün siyasi partiyaların Türkiyənin Avropa Birliyinə üzvlüyünü dəstəklədiyi yeganə Avropa ölkəsi olan İsveçdə parlament 1915-ci il hadisələrinə aid erməni iddialarının tanınmasını nəzərdə tutan qərar layihəsini bir səs fərqi ilə qəbul etdi: 131-130. ABŞ Nümayəndələr Palatası Komitəsi də keçən həftə bənzər bir qanun layihəsini bir səs fərqi ilə qəbul etmişdi.
Türkiyədəki ermənilərin, suryanilərin, assurilərin, kəldanilərin və pontuslu rumların 1915-ci ildə soyqırıma uğradığını
qəbul edən qanun layihəsi fərqli partiyalara mənsub millət vəkilləri tərəfindən hazırlanmışdı. Parlamentin Xarici Əlaqələr Komisiyasında 2 mart 2010-cu ildə müzakirə edilən layihə dünən parlamentin gündəminə gətirilib. Layihəyə dəstək verən və qarşı çıxan millət vəkilləri arasında 6 saata yaxın müzakirə yaşanıb.
Xarici İşlər naziri Carl Bildt qərarın ardından "üzgün olduğunu amma Türkiyə haqqındakı görüşlərinin dəyişməyəcəyini" deyib.