ABŞ-da "Soyqırım" layihəsi qəbul edildi...
[05 March, 2010]
ABŞ Nümayəndələr Məclisi Xarici Əlaqələr Komitəsi sözdə "soyqırım" layihəsini son anda qəbul edib. 46 üzvün 22-si əleyhinə səs verərkən, 23 nəfər lehinə səs verib. Məclis başqanı layihənin qəbul edildiyini açıqladıqdan sonra salondan alqış səsləri yüksəlib.
Təxminən beş saat davam edən səsvermə maratonu bugünə qədər ən həyəcanlı Komitə müzakirəsi olub. Son ana qədər isə nəticə bəlli olmayıb.
İlk etapda layihəyə "xeyr" səsləri uzun müddət öndə gedib, daha sonra dörd üzvün məclisdən ayrılması ilə təxminən bir saat səslər 23 lehinə, 20 əleyhinə şəklində qalıb. Ancaq daha sonra sözügedən 4 üzvün, 3-nün salona qayıtması ilə bir səslə də olsa layihə qəbul edilmiş oldu.
Komitədə qəbul edilən layihədə ABŞ Başqanının hər 24 apreldə Amerika xalqının sözdə "soyqırım" sırasında ölən 1,5 milyon ermənini anmaya dəvət etməsi istənilir.
Layihənin Komitədə qəbul edilmiş olması qanuniləşdirildiyi anlamına gəlmir. Qərar layihəsinin bundan sonra Nümayəndələr Məclisi Baş Qurumuna göndərilməsi gözlənilir.
Türkiyə sözügedən layihənin keçməsi halında bunun həm Türk-Amerikan münasibətlərinə, həm də Ermənistanla aparılan müddətə mənfi təsir edəcəyinə xəbərdarlıq edib. Bundan başqa Vaşinqton səfiri Namik Tanın Ankaraya çağırılması da nəzərdə tutulub.