Almaniyanın Ziqen şəhərində Azərbaycan Günü keçiriləcək
[04 March, 2010]
6 Martda Almaniyanın Ziqen şəhərində Azərbaycanlı Tələbələr və Elmi İşçilər Birliyinin təşkilatçılığı ilə Azərbaycan Günü keçiriləcəkdir. Tədbiri giriş sözü ilə Birliyin sədri Samir Abbasov açıq elan edəcəkdir.
Bundan sonra Telman Əliyev “ATEİB-nin fəaliyyəti”, Dr. Qurban Ələkbərov “Azərbaycan” və Azərbaycan Dövlət İqtisad Universitetinin müəllimi Elşən Bağırzadə “Alman – Azərbaycan iqtisadi əməkdaşlığı: mövcud durum və perspektivlər” mövzularında çıxış edəcəklər. Çıxışlardan sonra azərbaycanlı tələbələr və elmi işçilər müxtəlif mövzular ətrafında alman və Almaniyada təhsil alan əcnəbi tələbələr ilə fikir mübadiləsi aparacaqlar. Tədbirin rəsmi hissəsindən sonra qonaqlar üçün Novruz süfrəsi təşkil ediləcəkdir. Tədbirə Almaniyanın müxtəlif universitetlərində təhsil alan gənclərimizin də qatılacağı gözlənilir.
Samir Abbasov,
Almaniya