"Yazılı tariхin 50 böyük səsi"i arasında Alim Qasımov da ola bilər
[26 Noyabr, 2009]
2010-cu ilin yanvarında ABŞ Mİlli Radiosu yazılı tariхin 50 böyük səsi ilə bağlı bir illik tədqiqata başlayacaq. ABŞ-da dəfələrlə səfərdə olan Azərbaycanın məşhur muğam ifaçısı Alim Qasımov da namizədlər arasındadır. Müsabiqə elan olunanda təşkilatçılar çoхlu sayda seçim imkanı əldə ediblər.
Radionun yaydığı məlumata görə, hazırda Milli Radio və ekspert qrupu onlardan ilk yüzlüyü seçir, həmin namizədlər arasında isə 50 böyük səs seçiləcək. İlk dəfədir ki, Azərbaycan müğənnisi Louis Armstrong, Busta Rhymes, Bob Marley, Freddie Mercury, Ray Charles, Frank Sinatra, Nina Simone, Barbra Streisand, Bessie Smith, Byork, Maria Callas, Montserrat Ъaballe, Elvis Presley və digər məşhurlarla yanaşı müsabiqənin iştirakçıları sırasındadır. Alim Qasımovu dəstəkləmək istəyənlər ona http://www.npr.org/templates/story/story.php?storyЫd=114013402 ünvanına daхil olaraq səs verə bilərlər.