AGBank-dan Hotel Express International diskont kartı
[03 Noyabr, 2009]
AGBank, Azərbaycanda ilk dəfə olaraq, öz müştərilərinə bank xidmətləri bazarında tamamilə yeni bir məhsulu- müştərilərin səfər xərclərini xeyli azaldan unikal bir kartı təqdim edir. AGBank, öz paketini yeni məhsulla tamamlayaraq, kart sahiblərinə Novotel, Hilton, Radisson, Holiday Inn, Sheraton, Renaissanse, Kempinski kimi otellərdə istənilən səviyyəli nömrələri pulsuz bronlaşdırmaq imkanını verir.
Hotel – Express diskont kartı dünya üzrə 9000-dən artıq oteldə 50%-lik güzəşt deməkdir. Əgər Siz səyahətə, iş səfərinə, ezamiyyətə hazırlaşırsınızsa və ya sadəcə olaraq dincəlmək arzusundasınızsa, bu halda bu kartı əldə etməklə Siz www.hotel-express.com saytında oteli seçmək, eləcə də üzvlük kartınızın nömrəsini göstərməklə, oteldə nömrə bronlaşdırmaq imkanını qazanacaqsınız. Oteldən sifarişinizin təsdiqini aldıqdan sonra, Siz otel nömrəsinin standart qiymətinin yarısını ödəməli olacaqsınız. Diskont kartı Sizi həmçinin avtomobilin icarəsinə və digər xidmətlərə də güzəştlərlə təmin edir.
AGBank-ın İnkişaf Departamentinin Müdiri Əfqan Cəlilovun sözlərinə görə, qısa bir müddət ərzində artıq 30 nəfər bu kartı əldə edib və hətta onlardan bəziləri artıq bu unikal kartın təqdim etdiyi imkanlardan yararlanaraq, otellərdə yaşayarkən kifayət qədər məbləğdə pul vəsaitinə qənaet ediblər.