Ukraynada azərbaycanlılar ölkənin ictimai həyatına fəal inteqrasiya edir
[02 Noyabr, 2009]
Ukraynada yaşayan soydaşlarımız oradakl cəmiyyətə uğurla inteqrasiya edir, Ukraynanın ictimai-siyasi həyatında fəal rol oynayırlar. Bu barədə Euroxəbər"ə Bakıda səfərdə olan Ukrayna Azərbaycanlıları Konqresinin sədri Akif Gülməmmədov deyib.Təşkilat sədri bildirdi ki, Ukrayna daima Azərbaycanı öz strateji tərəfdaşı kimi dəstəkləyir, onlar arasında dostluq əlaqələri genişlənir.<>Ukraynada 500 minə yaxın soydaşımızın yaşadığını bildirən təşkilat sədri A. Gülməmmədov onlarının bəzilərinin hətta Ali Radada təmsil olunduqlarını söylədi:"Soydaşlarımız ölkənin ictimai-siyasi həyatında fəaldır. Hətta iki nəfər azərbaycanlı: Oleq Məmmədov, Eduard Cahangirov Ali radada təmsil olunur. yerli hakimiyyət orqanlarında isə 15-dən çox deputat soydaşımız var." Bundan əlavə təşkilat sədri bildirdi ki, azərbaycanlı soydaşlarımızın uşaqları üçün Kiyevdə, eləcə də digər bölgələrdə şənbə-bazar günü məktəbləri fəaliyyət göstərir.
Xatırladaq ki,Ukrayna Azərbaycanlıları Konqresinin sədri Akif Gülməmmədov Bakı Dövlət Universitetinin 90 illik yubiley mərasiminə qatılmaq üçün ölkəyə səfər edib.