Avropa Məhkəməsi Azərbaycanla bağlı 40 şikayətə yaxın zamanda baxacaq
[15 İyul, 2008]
Azərbaycandan Avropa İnsan Haqları Məhkəməsinə 1600 şikayət daxil olub. Hazırda gündəlikdə mindən çox şikayət var. Bu barədə «Turan»a Avropa İnsan Haqları Məhkəməsinin hakimi Xanlar Hacıyev bildirib.
Onun sözlərinə görə, Avropa Məhkəməsi indiyədək Azərbaycanla bağlı 13 qərar qəbul edib. Hakim Xanlar Hacıyev bildirib ki, hazırda 40-a yaxın iş baxılmaq üçün gündəlikdədir və bu işlər üzrə yaxın vaxtda qərar qəbul edilə bilər. Şikayətlər arasında söz və mətbuat azadlığı ilə bağlı bir neçə müraciət var: «Hazırda bu məsələlərin baxılması gündəlikdə deyil»-deyə X.hacıyev söyləyib.
İndiyədək Avropa İnsan Haqları Məhkəməsinin Azərbaycanla bağlı qəbul etdiyi qərarlar ədalətli məhkəmə araşdırması hüququ, yığıncaq və sərbəst toplaşmaq azadlığı, məhkəmə qərarlarının icra olunmaması, əmlak mübahisəsi, və seçki prosesi ilə bağlıdır.