Təyyarədə mobil telefondan istifadə ediləcək
[08 Aprel, 2008]
Avropa Komissiyası təyyarələrdə mobil telefondan sərbəst istifadə üçün qanunlar planı hazırlayır. “Air France” və digər hava yolları şirkətləri uzun illərdir ki, təyyarələrdə mobil telefonlardan istifadənin sərbəst olması üçün sınaqlar aparırdılar. R.
Avropa Birliyi tərəfindən tətbiq ediləcək qanun nəticəsində iş adamları və digər müştərilər Avropa ölkələrinə üçüşlar zamanı mobil telefonlarını bağlamaq məcburiyyətində qalmayacaqlar.
Lakin təyyarələrdə istifadə ediləcək xəttlər hava yolları şirkətlərinə aid olacaq və buna görə də zənglər xaricdən danışılan tariflərlə dəyərləndiriləcək. Bundan başqa təyyarənin enişi və qalxışında əvvəlki kimi yenə də telefonlardan istifadə qadağan olunacaq.
Qeyd edək ki, Almaniyanın “Lufthansa” hava yolları və digər bir qrup hava yolları şirkətləri bu xidmətdən istifadə etməyi düşünmür. Bu şirkətlər mobil telefonların gurultuya səbəb olması və müştəriləri narahat edəcəyini düşünürlər.
“Euro Xəbər”,
Brüssel bürosu