20 Yanvar faciəsinin 19-cu ildönümü [07 Yanvar, 2009] Azərbaycan Respublikası Prezidenti İcra Aparatı rəhbərinin Sərəncamı ilə “20 Yanvar faciəsinin on doqquzuncu ildönümünün keçirilməsi ilə bağlı tədbirlər planı” təsdiq edilmişdir.
Sənəddə respublikanın şəhər və rayonlarında, o cümlədən idarə və təşkilatlarda faciənin ildönümünə həsr olunmuş tədbirlərin - konfrans, yığıncaq və mühazirələrin keçirilməsi, bu tədbirlərin mətbuatda ətraflı işıqlandırılması, dünyanın aparıcı KİV-də, eləcə də televiziya kanallarında və internet şəbəkələrində 20 Yanvar faciəsi barədə materiallar verilməsi nəzərdə tutulmuşdur.>>>
“Uşaq ili”nin virtual ensklopediyası [07 Yanvar, 2009] “Gənc Liderlər” Uşaq Təşkilatı (GLUT) 2009-cu il “Uşaq İli”də ilk əhəmiyyətli layihəsini reallaşdırıb. Təşkilatın sədri Fərid Şahbazlının sözlərinə görə www.istedad.tk ünvanında fəaliyyət göstərəcək virtual ensklopediyada yaxın aylarda minlərlə gənc istedadlılar haqqında məlumatlar yerləşdiriləcək. Hazırlanan saytda müxtəlif sahələrdə ictimai fəaliyyət, ədəbiyyat, musiqi, idmanda fərlənən uşaq və yeniyetmələrin uğurları da yer tutacaq. Respublikamızda bu tip geniş miqyaslı layihə ilk dəfədir ki, həyata keçirlir və yaxın aylarda bütün ölkəni əhatə edəcək.
San-Fransiskoda Dünya Azərbaycanlıların Həmrəyliyi Günü [30 Dekabr, 2008] San-Fransiskoda Şimali Kaliforniya Azərbaycan Mədəniyyət Mərkəzi və Amerika Azərbaycan Şurası tərəfindən Dünya Azərbaycanlıların Həmrəyliyi Günü keçirilib. APA-nın ABŞ bürosunun məlumatına görə, tədbirdə Kaliforniyadakı Azərbaycan icmasının nümayəndələri çıxışlar ediblər. Tədbirdə Azərbaycanın Los-Ancelesdəki baş konsulluğunun konsulu Elman Abdullayev, Azərbaycan Amerika Şurasının prezidenti Cavid Hüseynov və doktor Əlirza Nəzmi çıxış ediblər. >>>
Güney Azərbaycan Həmrəylik Gününə hazırlaşır [29 Dekabr, 2008] əbriz, Ərdəbil, Urmu, Marağa və digər şəhərlərdəki universitetlərdə yığıncaqlar keçiriləcək. 31 Dekabr Dünya Azərbaycanlılarının Həmrəylik Günü Güney Azərbaycanda da qeyd olunacaq. Bu barədə Lent.az-a Dünya Azərbaycanlıları Konqresinin (DAK) mətbuat xidmətindən məlumat verilib. Güney Azərbaycanın Təbriz, Ərdəbil, Urmu, Marağa və digər şəhərlərinin universitetlərində fəaliyyət göstərən milli dərnəklərdə yığıncaqlar keçiriləcək, Sərhəd Hərəkatının tarixi əhəmiyyətindən danışılacaq.
Qeyd edək ki, Sərhəd Hərəkatı 1989-cu ilin dekabrında başlanıb və keçmiş SSRİ ilə İran arasındakı dövlət sərhədlərinin dağıdılması ilə nəticələnib. Hadisədən sonra Azərbaycan Respublikası və Güney Azərbaycan türkləri arasında gediş-gəliş asanlaşıb.
8 sentyabr tarixi Beynəlxalq Savadlılıq Günü kimi qeyd edilir. [06 Sentyabr, 2008] Dörd milyard dünya əhalisinin savadlı olmasına baxmayaraq hamı - uşaqlar, gənclər və böyüklər üçün savadlılıq hələ də tam əldə edilməmiş bir məqsəd kimi qalmaqda davam edir.
BMT-nin Baş Assambleyasının 2002-ci ildə qəbul etdiyi A/RES/56/116 nömrəli qətnaməyə əsasən 2003-2012-ci illər BMT Savadlılıq Onilliyi elan olunmuşdur. Onilliyin yarıdan çoxunun arxada qalmasına baxmayaraq hələ də 860 milyon yetkin insan savadsızdir, 75 milyon məktəb yaşlı uşaq isə məktəbə getmir. Bu rəqəmlər insanların təhsil və savad əldə etmək hüquqlarını tam şəkildə həyata keçirmək üçün hələ görüləcək çox işlərin olduğunu xatırladır. Məhz buna görə də, Savadlılığın artırılması 2015-ci ilə qədər hədəf kimi qoyulan BMT-nin Minilliyin İnkişaf Məqsədlərindən biridir. .
Narkotik maddələr tapılmışdır [03 Sentyabr, 2008] Bu günlərdə Astara Gömrük idarəsinin Gömrük hüquq pozmalarına qarşı mübarizə şöbəsinin əməkdaşları tərəfindən İran İslam Respublikasından Azərbaycana gələn Astara şəhər sakini Xanməmmədov Əhməd Mirzəhüseyn oğlunun etibarnamə ilə idarə etdiyi “Kamaz” markalı BC 91819 ZA 042 nömrə nişanlı yük maşınına gömrük baxışı zamanı qaçaq malı tapılmışdır. Nəqliyyat vasitəsinin gizli saxlanc yerindən-qoşqunun altında ramaya əlavə olaraq bərkidilmiş üçüncü hava balonunun içərisindən müxtəlif rəngli polietilenlərə və falqa kağızlarına bükülmüş, ümumi çəkisi 22 kq 300 q olan həşiş və şəffaf rəngli polietilenə qablaşdırılmış 600 q heroin narkotik maddələri aşkar edilərək götürülmüşdür.
Faktla bağlı təhqiqat aparılır.
DGK Mətbuat Xidməti
EL UZATMAK, YOKSA DİZ ÇÖKMEK?! [03 Sentyabr, 2008] Bülent Gürçam
Ermeni, ermeni olalı Dünya gündeminden heç düşmedi, düşmediyi kimi, öz tarixinde de hep dört ayaq üstüne düşdü. Türkiye Cümhuriyyeti öncesi Osmanlı döneminde, yaptığı tüm dış güclerle birge oyunlara rağmen, adı « Millet-i Sadıka » yani sadık millet olarak anıldı, zaten ele bela da o devirden sonra başladı.
Osmanlının başı xarici qüvellerin oyunlarıyla qarışırken, ermeni ölke dahilindeki bütün paralı işlerin tek sahibi oldu, daha sonar da açdığı ceşitli gizli mekteplerle, kendi insanlarını eyitip, osmanlıyı devirecek harici qüvellerle bir olup, osmanlıyı yıxdırdı, gayesi osmanlıyı yixip, hayel etdiyi denizlerden- denizlere büyük Ermenistan hayellerini gerçekleşdirmekti.>>>
Dövlət Gömrük Komitəsi Mətbuat Xidmətinin məlumatı [05 Sentyabr, 2008] Dövlət gömrük Komitəsi, onun yerli strukturları 2008-ci ilin səkkiz ayı üzrə proqnoz tapşırığa layiqincə əməl etmişlər.
İlkin məlumata görə. Yanvar-avqust ayları ərzində gömrük orqanları tərəfindən nəzərdə tutulmuş 742,00 milyon manat əvəzinə 744,47 milyon manat gömrük vergi və rüsumları toplanaraq dövlət büdcəsinə köçürülmüş, proqnoz 100,33 faiz yerinə yetirilmişdir.
Bu isə ötən ilin müvafiq dövrü ilə müqayisədə 238,40 milyon manat və ya 47,11 faiz çoxdur.
BƏƏ-DƏKI AZƏRBAYCANLILAR SEÇKILƏRDƏ İLHAM ƏLIYEVIN NAMİZƏDLİYİNİ DƏSTƏKLƏYƏCƏKLƏR [21 İyul, 2008] Iyulun 19-da Birləşmiş Ərəb Əmirliklərinin Dubay Əmirliyində Azərbaycan və Türk diaspor nümayəndərinin iştirakı ilə tədbir keçirilib. Dubaydakı Azərbaycan Cəmiyyətinin təşkil etdiyi tədbir hər iki diasporun birgə fəaliyyətinin daha da genişləndirilməsi, iqtisadi, siyasi, ictimai və mədəni məsələlərdə birlikdə daha mutəşəkkil formada iş aparılmasını müzakirə etmək məqsədi daşıyıb. Görüşdə türk diasporunun nümayəndələri ilə yanaşı Türkiyənin Dubay Əmirliyindəki Bas Konsulu Murat Yavuz Atəş Bəy və BƏƏ-dəki Türk Iş Adamları Məclisinin rəhbərləri də iştirak ediblər. >>>
Azərbaycanlı rəssamın kitab-albomu [03 Sentyabr, 2008] YUNESKO-nun sabiq əməkdaşı, tanınmış diplomat Ramiz Abutalıbovun təçəbbüsü ilə Moskvada görkəmli Azərbaycan rəssamı Əşrəf Muradın “Magiya realizmı” adlı kitab-albomu nəşr edilmişdir.
Yüksək zövqlə tərtib olunaraq rus və ingilis dillərində çap edilmiş kitabın müəllifi tanınmış rus sənətşünası və jurnalisti Qriqori Anisimovdur. Kitaba Tahir Salahov, Ramiz Abutalıbov, Anar, Fərhad Xəlilov və digər yaradıcı şəxsiyyətlərin rəssam haqqında xatirə, rəy və mülahizələri, həmçinin rəssamın bir sıra əlyazmaları, məktublarının surəti, yarımçıq qalmış eskizləri daxil edilmişdir.
Azərbaycan məktəbi Şotlandiyada [02 Sentyabr, 2008] “Caspian- Xəzri” Azərbaycan məktəbi Böyük Britaniyada üçüncü Azərbaycan məktəbini açmağı planlaşdırır. Məktəbin rəhbəri Simuzər Baloğlanovanın Trend News-a verdiyi xəbərdə “indi Şotlandiyada Azərbaycan məktəbinin açılması üçün maliyyə vəsaitlərinin axtarışı davam etdirilir”.
“Caspian- Xəzri”nin rəhbərinin sözlərinə görə isə Böyük Britaniyada Azərbaycan məktəblərinin açılmasında məqsəd Britaniya azərbaycanlılarında milli mədəniyyət atmosferinin saxlanılmasıdan ibarətdir. “Azərbaycanda iş tapan və ya sadəcə olaraq, dilimiz və mədəniyyətimizlə maraqlanan çoxlu ingilis var”. Məktəbin planlarına yeni öyrənməyə başlayanlar üçün Azərbaycan dili kurslarının açılması da daxildir>>>
